கோவை 3 நாட்கள் செங்கல் லாரி வேலைநிறுத்தம் – கட்டுமானப் பொருட்கள் விலை உயர வாய்ப்பு

கோவை தடாகம் பகுதியில் செங்கல் லாரி உரிமையாளர்கள் சங்கம் இன்று முதல் 3 நாட்கள் அடையாள வேலைநிறுத்தப் போராட்டத்தைத் தொடங்கியுள்ளது.

எரிபொருள், உதிரிபாகங்கள், இன்சூரன்ஸ் மற்றும் சாலை வரி உயர்வை கண்டித்து இப்போராட்டம் நடத்தப்படுகிறது. செய்தியாளர்களிடம் பேசிய சங்க நிர்வாகிகள் எஸ்பிஎம். தமிழ், பரசுராமன், டிகேஎஸ் தங்கராஜ், மோகன்குமார் ஆகியோர், "இந்த போராட்டத்தில் 300-க்கும் மேற்பட்ட லாரிகள் பங்கேற்றுள்ளன; இதனால் நாளொன்றுக்கு ₹20 லட்சம் வரை இழப்பு ஏற்படும். மேலும் 3,000 தொழிலாளர்கள் பாதிக்கப்படுவதுடன், கட்டுமானப் பொருட்களின் விலையும் உயர வாய்ப்புள்ளது" என்றனர்.

அரசு விதிமுறைப்படி மட்டுமே லாரிகள் இயக்கப்படும்; இனி அதிக எடை (Overload) ஏற்றப்பட மாட்டாது.

 ஜிஎஸ்டி (GST) பில் இல்லாத நிறுவனங்களின் செங்கல்களை ஏற்றிச் செல்ல மாட்டோம்.

அதிக அபராதம் மற்றும் வாகனப் பறிமுதலைக் கண்டித்து நடத்தப்படும் இப்போராட்டத்திற்குப் பொதுமக்கள் ஆதரவு தருமாறு நிர்வாகிகள் கேட்டுக்கொண்டுள்ளனர்.